www.sutainbuyant.mn

1. М-29 БАРУУН ХҮРЭЭ ХОРООЛОЛ-ТЭЦ-3
2. М-21 БАРУУН ХҮРЭЭ ЗҮҮН СЭЛБЭ ХОРООЛОЛ
3. ӨЛЗИЙТ ХОРООЛОЛ-БММЗ

1. ТШ:37 ХМК-СКАЙ ДЭЛГҮҮР
2. ТШ:41 ӨНДӨР ДЭНЖ-100 АЙЛ
3. ТШ:26 МОРИНГИЙН ДАВАА-НИСЭХ-XIV ХОРООЛОЛ
4. БҮ-09: БАРУУН ХҮРЭЭ-ОУХТөв
5. ТШ:1 ХМК-БАЯНБҮРДИЙН ТОЙРОГ
6. ХО: НИСЭХ-БИО-ЦЭРГИЙН 326-Р АНГИ
7. ТШ:40 ӨНӨР ДЭНЖ-БӨМБӨГӨР-УЛААНХУАРАН

УБ хотын иргэдэд үйлчилдэг нийтийн тээврийн хувийн хэвшлийн ууган компани "Сутайн буянт"-ынхан энэ жил 15 жилийнхээ ойг тэмдэглэж байна. Ойн баярынхаа хүрээнд тус компани зорчигчиддоо хандсан талархал хүндэтгэлийн өдөрлөгийг зохион байгууллаа.

Шинэ долоо хоногийн эхлэл Даваа гаригт зохиож байгаа энэ өдөрлөгөөрөө тус компанийнхан нитийн тээврийн үйлчилгээнд тавигдах шаардлага, зорчигчийн эрх болон үүргийн талаар танилцуулж байгаагаас гадна Best FM 98.5-тай хамтран "Тээвэрчдийн нэг өдөр" радио нэвтрүүлгийг бүтэн өдрийн турш явуулж байна.

" Нийтийн тээврийн ажил бол хүнд бөгөөд хариуцлагатай ажил. Бидний дунд удам залгасан жолооч нар цөөнгүй бий. Өглөө хамгийн эрт ажилдаа гарч, нар мандахад зорчигчдоо суулгаад ажил сургууль руу нь хүргэж явах сайхан байдаг аа. Иргэд маань ч тээвэрчид бид ч гэсэн аль аль талдаа уур бухимдалгүй тайван зорчиж зөв боловсон харилцаж чадвал УБ хотын маань соёл, хөгжилд хувь нэмрээ оруулна" гэж Сутайн буянтынхан уриалж байна.

Нийтийн тээвэр бол хариуцлагатай салбар. Тийм ч учраас Сутайн буянт компанийхан нэг хүний хариуцлагаас хамт олны амжилт шалтгаална гэсэн зарчмыг баримтлан мэргэшсэн бөгөөд соёлтой үйлчилгээг зорчигч олондоо хүргэсээр 15 жилийн ойтойгоо золгож байна.

www.INET.mn

Тус компани нь 1996 онд 5 фургон, 15 раф машинтай “Сутайн буянт “ ББН нэртэйгээр байгуулагдаж “УИД – Дэнжийн мянга”, “ Далай ээж зах – Дэнжийн мянга “ гэсэн буухиа үйлчилгээний 2 чиглэлд үйлчилж нийслэлийн нийтийн зорчигч тээврийн үйлчилгээний хувийн хэвшлийн ууган байгууллагын нэг болон үйл ажиллагаагаа эхэлсэн
1997 оноос эхлэн ОХУ –ын ЛИАЗ маркийн их багтаамжийн 15 ширхэг автобусаар “БММЗ – III,IV хороолол” чиглэлд үйлчилсэн бөгөөд 2002 онд ДЭҮ, Хьюндай маркийн автобусаар парк шинэчлэл хийж нийслэлийн нийтийн зорчигч тээврийн үйлчилгээнд анх удаа БНСУ – ын их багтаамжийн автобусаар үйлчилсэн.
Зах зээлийн шилжилтийн хүнд үед Хотын тээвэр зохицуулалтын газраас өгсөн үүрэг, даалгаврын дагуу 1998 оны 4 дүгээр сараас эхлэн БММЗ - Өлзийт, Биокомбинат – Нисэх гэсэн чиглэлүүдэд ажиллаж үйлчилгээг хэвийн болгож тогтворжуулсан.

1999 онд аж ахуйн хариуцлагын хэлбэрээ Хязгаарлагдмал хариуцлагатай компани болгон өөрчилж зорчигч тээврийн үйлчилгээгээ их багтаамжийн болон бага оврын автобусны, таксины гэсэн хэсгүүдэд хуваан зохион байгуулсан.

Жилээс жилд үйлчлэх чиглэл нэмэгдэж түүнд шаардагдах хөдлөх бүрэлдхүүний тоо өсч өнөөдөр их багтаамжийн 38 автобусаар “ III, IV хороолол – ТЭЦ 3 “, “III, IV хороолол – ХIII хороолол”, “ БММЗ - Өлзийт” гэсэн 3, бага оврын 140 автобусаар “ХМК – 32 ын тойрог”, “ ХМК – Скай”, III,IV хороолол – ОУХТөв”, “ Өндөр дэнж – Дарь эх”, “Өнөр дэнж- Улаан хуаран”, “ Морингийн даваа – 120 мянгат”, “Биокомбинат – Нисэх” гэсэн 7, нийт 10 чиглэлд 389 ажилчидтай үйл ажиллагаагаа явуулж байна.

2010 онд 30 шинэ автобусаар парк шинэчлэл хийлээ.

Тус компаний ажилчдаас төрийн дээд шагнал Алтангадас одонгоор 1 , Хөдөлмөрийн хүндэт медалиар 1, Ахмад тээвэрчин цол тэмдэгээр 4, Онц тээвэрчин цол тэмдэгээр 38 , Осолгүй манлай жолооч цол тэмдэгээр 29,Тэргүүний ажилчин залуу алтан медалир 21, Хөдөлмөрийн алдар алтан медалиар 18, Залуу үеийг халамжлан хүмүүжүүлэгч цол тэмдэгээр 5 хүн шагнагсаны зэрэгцээ нийт тээвэрчдийн 69 % нь 13 – аас дээш жил тээврийн байгууллагад ажилласан байдаг нь бидний бахархал болж байдаг.